Usurbilgo Eliza

USURBILGO ELIZA

Hitzak eta Musika: Urko

Usurbilgo elizaren hormak
ze horma sendoak!
beren zulotan txoriek dituzte
habiak egiten
han dira sortzen, han
beren kantuak toteltzen
 

Gure herriko elizaren dorrea
dena edergailuz apaindua
zer dorreta galanta!
 

Edergailu bakoitza
harri bakoitza
zenbat izerdi, odol eta nigar
kosta ote zitzaizkien
Ameriketako inditarrei
Eeee, Etxebeste jauna...?
 

Eta dorre luze hori,
Usurbilgo, eliza nagusiaren,
dorrea da (bis),
han dira sortzen, han,
beren kantuak toteltzen(tris)

Irabazi Dugu

IRABAZI DUGU

Hitzak: Telesforo Monzon
Musika: Urko

Irabazi, irabazi dugu,
odolez ta malkoz
irabazi dugu.
Irabazi, irabazi dugu
burdinen atzetik
irabazi dugu.
Hi, Gudari, Herriko zaindari,
Gernikako sua begietan argi
hau gloria, Burgosko auzia,
espatari nausitu zaio Herria.

Ekin, bidean ez jarri, bideari ekin.
Dator, odoletan dator argi-hastea.
Mugarik gabeko ludi zabal bat dugu nahi.
Armada suntsituz, urrea bere bai,
askatasuna dugu nahi.
Euskadi berri bat dago zure zai.

Irabazi, irabazi…

Hi Gudari…
Bultza, bidean ez jarri, izerditan bultza,
bultza, eskuak odolduz, bultza ta bultza.
Gure lurrazpitik hilek irabazi dute.
Txakurtegietan, oinazetan
deiadarka dabiltzatenok
Aberri gazte bat sortu digute

Irabazi, irabazi… (bis)

Guk Euskaraz

GUK EUSKARAZ

Hitzak: Gabriel Aresti
Musika: Urko

Euskara putzu sakon
eta ilun bat zen (bis)
eta zuek denok
ur gazi bat
atera zenuzten
handik nekez (bis)

Guk, euskaraz.
Zuk, zergatik ez? (bis)

Orain zuen birtutez
zuen indarrez (bis)
Euskara itsaso urdin
eta zabal bat izanen da
eta guria da. (bis)

Guk euskaraz…

Agur Euskal Herriari

Agur Euskal Herriari

Hitzak: Nicolas Ormaetxea

Musika: Urko

 

Zazpi Euskal Herriek bat egin dezagun,
guztiok beti-beti gauden gu euskaldun.

Agur eta ohore Euskal Herriari
Lapurdi, Baxenabar, Zubero gainari;
Bizkai, Nafar, Gipuzko eta Arabari.
Zazpiak bat besarka lot bitez elkarri.

Zazpi Euskal Herriek…

Haritz eder bat da gure mendietan,
zazpi adarrez dena zabaltzen airetan.
Frantzian, Espainian, bi alderdietan:
hemen hiru eta han lau, bat da zazpietan.

Zazpi Euskal Herriek…

Hi haiz, Euskal Herria haritz hori bera,
arrotza nagusiturik moztua sobera.
Oi gure arbasoak ez, otri ez beira,
Zein goratik garen gu jaustiak behera!

Zazpi Euskal Herriek…