Mendian Gora

MENDIAN GORA

Hitzak: Xabier Amuriza
Musika: Imanol Larzabal

Mendian gora haritza
ahuntzak haizean dabiltza
itsasoaren arimak dakar
ur gainean bitsa.

Kantatu nahi dut bizitza
usteltzen ez bazait hitza
mundua dantzan
jarriko nuke
Jainkoa banintza. (bis)

Euskal Herriko poeta
kanposantuko tronpeta
hil kanpaiari tiraka eta
hutsari topeka.

Argitu ezak kopeta
penak euretzat gordeta
goizero sortuz
bizitza ere
hortxe zegok eta. (bis)

Euskal Herriko tristura
soineko beltzen joskura
txori negartiz
bete da eta
umorez hustu da.

Emaidazue freskura
ura eskutik eskura
izarren salda
urdina edanda
bizi naiz gustura. (bis)

Mundua ez da beti jai
iñoiz tristea ere bai
bainan badira
mila motibo
kantatzeko alai.

Bestela datozen penai
ez diet surik bota nahi
ni hiltzen naizen
gauean behintzat
eizue lo lasai. (bis)

Kalera Kalera

KALERA KALERA

Hitzak: Josu Txapartegi
Musika: Imanol Urbieta

Altxa begiak, zabaldu orok
deiadarra lagunari
berriro izanen gaituk libre
indar emanaz iraultzari.

Kalera, kalera, borrokalari kalera,
kalera, kalera, borrokalari kalera,
hire indarraren beharra diagu
gure indarrarekin batera
hire indarraren beharra diagu
gure indarrarekin batera.

Zai dago ama, zai aita
zai andre ta lagunak
hator, hator Euskadira,
hator, hator etxera. (Bis)

Bultza ta bultza, euskal langile,
Euskal Herri sufritua
burni kateak geldi labetan
danba danba, lurrera gartzelak.
Kalera, kalera, borrokalari kalera,…

Zai dago ama, zai aita … (Bis)

Herio Latza - De Treville

HERIO LATZA/DE TREVILLE

Hitzak eta Musika: Pierre Bordazarre «Etxahun Iruri» De Tréville pastorala
Bertsioa: Imanol

Herio latza hüllantzen ari hiz
dolürik gabe orai nitarat
otoizten hait ixtant bat ützi nezak
ene azken adiuen egitera.

Hori bera da denen ixtoria
heriuak bardintzen handi txipiak
zeren ilüsione bat bera da
lürraren gañeko gure pasajia.

Ene jauregi pare gabekua

hi altxatüz banian fiertate
hitan igaran, denbora gozua
hain llabür nükila ez nian uste.
 

Hori bera da ...

O Basabürüa miragarria
bortüz eta mendiz üngüratürik
bostetan nik begixtatü zütiet
ürgullükin terraza huntarik.

Hori bera da ...

Adios arren Marie-Maidalena
zük ingana nezazü lotarik
ene ondotik baratzen direnez
izan ez nadiala ahatzerik.
 

Hori bera da...( bis)

Behin Betiko

BEHIN BETIKO
 

Hitzak eta Musika: Imanol Urbieta
 

Behin betiko behin betiko
sinple bezain tinko
ez dugu etsiko.
Behin betiko behin betiko
sinple bezain tinko
Euskaraz eta kitto!

Etxean eta kalean
berdin berdin jolasean,
eskolan, lanean,
tristuran eta pozean.
Dakitenek erabiliz
ez dakitenek ikasiz.
Herri bat osaturik
euskaraz nahi dugu bizi

Hasi etxetik eta kalera
hasi kaletik eta etxera,
martxan jarri da lege berri bat:
euskaraz Euskal Herrian (bis)