Ume Eder Bat

UME EDER BAT

Hitzak eta Musika: Iparragirre

Ume eder bat ikusi nuen
Donostiako kalean,
hitz erditxo bat hari esan gabe,
nola pasatu parean?(bis)

Hitz erditxo bat hari esan gabe,
nola pasatu parean?(bis)

Gorputza zuen liraina eta
oinak zebiltzan aidean
politagorik ez det ikusi
nere begien aurrean (bis)

Politagorik ez det ikusi
nere begien aurrean (bis)

Aingeru zuri, paregabea
Euskal Herriko alaba,
usterik gabe zugana beti
nere bihotzak narama.

Ikusi nahian beti hor nabil,
nere maitia, hau lana...!
Zoraturikan hemen naukazu
beti pentsatzen zugana (bis)

Iparragirre Abila Dela

IPARRAGIRRE ABILA DELA

Hitzak eta Musika: Xenpelar

Iparragirre abila dela
askori diot aditzen,
eskola ona eta musika,
hori horiekin zerbitzen.
Ni ez nauzu ibiltzen,
kantuz dirua biltzen,
komeriante moduan,
debalde festa preparatzen det
gogua duan orduan. (bis)

Eskola ona eta musika
bertsolaria gainera,
gu ere zerbait izango gera
hola hornitzen bagera.
Hatoz gure kalera,
baserritar legera,
musika hoiek utzita;
Errenterian bizi naiz eta
egin zaidazu bisita. (bis)

Gernikako Arbola

GERNIKAKO ARBOLA
 

Hitzak: Iparragirre
Musika: Juan María Blas de Altuna y Mascarua

Gernikako arbola
da bedeinkatua
Euskaldunen artean
guztiz maitatua.
Eman ta zabal zazu
munduan frutua
adoratzen zaitugu
arbola santua

Mila urte inguru da
esaten dutela
Jainkoan jarri zuela
Gernikako arbola.
Zaude bada zutikan
orain da denbora
eroritzen bazera
arras galdu gera

Ez zera eroriko
arbola maitea
baldin portatzen bada
Bizkaiko Juntia.
Laurok hartuko degu
zurekin partea
pakian bizi dedin
euskaldun jendia.

Betiko bizi dedin
Jaunari eskatzeko
jarri gaitezen danok
laister belauniko.
Eta bihotzetikan
eskatu ezkero
arbola biziko da
orain eta gero.

Arbola botatzia
dutena pentsatu
Euskal Herri guztian
denak badakigu.
Ea bada jendia
denbora orain degu
erori gabetanik
eduki behar degu.

Beti egongo zera
udaberrikoa
lore aintzinetako
mantxa gabekoa.
Erruki zaite, bada,
bihotz gurekoa
denbora galdu gabe
emanik frutua.

Gazte Gaztetatikan

GAZTE GAZTETATIKAN

Hitzak eta Musika: Iparragirre

Gazte gaztetatikan Herritik kanpora,
estranjeri aldean pasa det denbora. (bis)
Herrialde guzietan toki onak ba dira
bainan bihotzak dio:
”Zoaz Euskal-Herrira." (bis)

Lur maitea uztea da negargarria.
Hemen gelditzen dira Ama ta Herria. (bis)
Urez noa ikustera bai, mundu berria;
oraintxe, bai, naizela errukigarria. (bis)

Agur nere bihotzeko amatxo maitea,
laxter etorriko naiz konsola zaitea. (bis)
Jaungoikoak nahi ba du, ni urez joatea:
Ama, zertarako da negar egitea? (bis)

Ezkongaietan

EZKONGAIETAN

Hitzak eta Musika: Iparragirre

Ezkongaietan zerbait banintzan
ezkondu eta ezer ez; (bis)
eder zalea banintzan ere
aspertu nintzan ederrez
nere gustua egin nuen ta
orain bizi naiz dolorez

Nere andrea andre ederra
ezkondu nintzan orduan, (bis)
mudatuko zen esperantzarik
ere bat ere ez nuan,
surik batere baldin badago
maiz dago haren onduan.

Zokoak zikin, tximak jario,
haurra zintzilik besoan; (bis)
adabaki desegokiagorik
gona zahar haren zuloan;
hiru txikiko botila handia
dauka bere alboan.

Nere andrea goiz jeikitzen da
festara behar danean; (bis)
buruko mina egiten zaio
hasi baino lehen lanean.
Zurekin zer gertatuko ote zan
nik bildurrik ez nuan!