Pasaiako Herritik

PASAIAKO HERRITIK
 

Hitzak eta Musika: Xenpelar
Bertsioa: Mikel Laboa 

Pasaiako herritik dator notizia
zezen bat izan dala jenioz bizia
kantatutzera nua bistan ikusia
alegratzeko triste dagoen guzia.

Santiago eguna Pasaian seinale
ailegatu eztanak egin beza galde
hasieran jedia zezenaren alde
azkenean etziran arrimatu zale.

Gure Pasaia beti sonatua dago
errapin gabe ezta urte bat igaro
urrengoan jarriko dituztela nago
barrera hestuago edo zezena handiago.

Torillotik atera zuten lehendabizi
bei zar bat gidaria bandera ta guzi
arrapatzen zuena purrukatzen hasi
azkenean kanpora plazatik igesi.

Hiru komertziante plazatik kanpoan
poxpolo ta barkillo labaina tratuan,
pareta egon arren hamar oin altuan
panparroi pasatu zen putzura saltuan.

Oi Pello Pello

OI PELLO PELLO
 

Hitzak eta Musika: Herrikoia
Bertsioa: Mikel Laboa

Oi! Pello Pello
logale nauk eta
jinen niza ohera?
Irun ezan eta
gero gero gero
irun ezan eta
gero gero bai.

Oi! Pello Pello
astalkatu diat eta
jinen niza ohera?
Astalka zan eta
gero gero gero
Astalka zan eta
gero gero bai.

Oi! Pello Pello
irun diat eta
jinen niza ohera?
Harilka zan eta
gero gero gero
Harilka zan eta
gero gero bai.

Oi! Pello Pello
harilkatu diat eta
jinen niza ohera?
Jos ezan eta
gero gero gero
jos ezan eta
gero gero bai.

Oi! Pello Pello
josi diat eta
jinen nizan ohera?
Argia dun eta,
bihar bihar bihar
Argia dun eta,
jinen iz bihar.

Oi! Pello Pello
harilkatu diat eta
jinen niza ohera?
Jos ezan eta
gero gero gero
jos ezan eta
gero gero bai.

Oi Kanta Berri

OI KANTA BERRI
 

Hitzak eta Musika: Mixel Labeguerie
 

Oi kanta berri
ixilik nago
orain duela aspaldi,
zuretzat nuen
kar bero hura
suntsitu ez da dirudi.
Beste lanetan
iragan ditut
hainitz egun ta
gau-aldi,
bainan oraino
ez dut ukatu
Euskara ez da Euskadi.

Oi kanta berri
bihotzetikan
ezpainetarat jalaia,
Euskal airean
bihotzen zaitut,
zu neure mezularia.
Jende artean izatu banaiz
beresle xamurgarria,
izan zaite zu ene partetik
bakezale den xoria.

Oi kanta berri
izan zaite zu
anai arteko zubia
batasunetik libertatera
gidatzen duen bidea.
Kartzelan den abertzaleari
emozu doi bakargia
etsiturikan den bihotzari
esperantzaun bizia.

Oi kanta berri
gure herriak
behar du bide eta zubi,
etxetan ere baitezpadako
argiarekin, ur garbi.

Horiek denak ez dire aski
bizi badien Euskadi,
hainbat oraino beharko ditut
kanta bat eta kanta bi.(bis)

Matxa Baten Lehen Notak

MARTXA BATEN LEHEN NOTAK
 

Hitzak eta Musika: Mikel Laboa
 

Eguzkiak urtzen du gohian
gailurretako elurra
uharka da jausten ibarrera
geldigaitza den oldarra.

Gure baitan datza eguzkia
iluna eta izotza
urratu dezakeen argia
utuko duen bihotza.

Bihotza bezain
bero zabalik
besoak eta eskuak
gorririk ikus dezagun egia
argiz beterik burua.

Batek gose diraueno
ez gara gu asetuko
bat iño loturik deino
ez gara libre izango.

Bakoitzak urraturik berea
denon artean geurea
etengabe gabiltza zabaltzen
gizatasunari bidea.

Iñor ez iñor menpekorikan
nor bere buruaren jabe
herri guztiok bat eginikan
ez gabiltz gerorik gabe.

Batek gose diraueno…
 

Eguzkiak urtzen du…

Egunsentian - Ibiliko Gera

EGUNSENTIAN

Hitzak eta Musika: Mikel Laboa

Eguzkien argia
leihopetik sartzian
poz eta alaitasunez
esnatuko gera.
Txorien abestiekin
alaitutako eguna
gizonen gorrotoakin
ondatuko da eguna.

Ibiliko gera
alkarrik kalte eginaz
ustez launik haundienak
aurrez ondo hitz eginaz.
Batzuen izerdiekin
besteak diru eginaz
egia esan dutenak
giltzapera emanaz.
Gauz hoiek ikusteko
nola esnatzen gera?

Gauz hoiek egiteko
nola jaikitzen gera?
Txoriak alaitutako
eguna ondatzeko
hobe genduke ez esnatu
ta bertan geldi lotan.

Ibiliko gera...

Egun da Santi Mamiña

EGUN DA SANTI MAMIÑA
 

HITZAK: Gabriel Aresti
MUSIKA: Mikel Laboa 

Egun da Santi Mamiña
benetan egun samiña.
Goiko zeruan gorde dezala
luzaro neure arima
 

Esaten dizut egia
hau ez da usategia;
erroi artean izan nitzaden
benetan ausartegia.

Egun da Santi Mamiña…

Itsas aldean izarra,
hari begira lizarra;
euskara salbo ikusi arte
ez dut kenduko bizarra.

Egun da Santi Mamiña…

 
Kantatu zuen oilarrak,
argitzen dira belarrak;
Ageda gure martiriari
moztu zizkioten bularrak.

Egun da Santi Mamiña…

Edari Goxoa

EDARI GOXOA

Hitzak eta Musika: Mikel Urdangarin

Jaunak, hau bai edari goxua
arimen iratzargarri
egin dezagun azken tragoa
atea itxi aurretik.

Haserre joan zaizkigu emazteak
beren izenak madarikatzen
azkena egin dezagun mutilak
abisua jo aurretik
mundura sufritzeko ez ginen jaio
ezta gutarrak jagoteko
topa egin dezagun agudo
infernua gure zai dago

Mundura sufritzeko ez ginen jaio
ezta gutarrak jagoteko
topa egin dezagun agudo
infernua gure zai dago

Baga Biha Higa

BAGA BIGA HIGA

Hitzak eta Musika: Mikel Laboa

Baga, biga, higa,
laga, boga, sega,
Zai, zoi, bele,
harma, tiro, pun!

Xirristi-mirristi
gerrena plat,
Olio zopa
Kikili salda,
Urrup edan edo klik ...
ikimilikiliklik ...

Badira Hiru Aste

BADIRA HIRU ASTE
 

Hitzak eta Musika: Mikel Urdangarin
 

Iskin hontatik
idazten dizut
azken aldian bezala
egia da bai
sasoi honetan
hotza egiten duela
neska gazte bat
ezagutu dut
hiru aste badirela
esango nuke bere begiek
erraz sorgindu nautela(bis)
 

Orain goizean goiztik
hartzen dut
mendebalderako trena
harrizko zoru ahaztuetan
biderik eta zaharrena
bizitzak sarri
erakusten du
badena eta ez dena
inoiz latz hartu
banindu ere
gaur gozo hartu
nauena(bis)

Azken bidai hau
ez duzu izan
etxe ondotik ihesa
nigandik hurrun
aurkitu arren
hara itzultzeko ametsa
zuekin beti
oroitzen banaiz
ahaztu naizenik ez pentsa
sentimenduak
esaten baina
ez da hain gauza
erreza(bis)

Lantzean baina,
egun luzeetan
bihotza egoten da triste
agindutako promesa hura
ezin kunplidu nezake
"loriak udan"
kantatzen baitut
inoiz gutxitan ez uste
letrak ez ditut
oraindik ahaztu
akordatzen naiz
hainbeste(bis)